लगानी नउठ्दा व्यापारिक घराना डुब्दै
विराटनगर । विभिन्न लालच देखाएर ठगी गर्ने गिरोह मोरङमा सक्रिय भएका छन् । जग्गा धितो राखेर मोटो रकम लिने र समयमा नतिर्ने गिरोह विराटनगरमा सक्रिय रहेको पाइएको हो । जसको प्रत्यक्ष दबाबमा ललित सोनी परेका...
विराटनगर । चिनियाँ राष्ट्रपति सी चिनफिङ रुस भ्रमण सकेर स्वदेश फर्किएका छन् । चिनियाँ टेलिभिजन सीसीटीभीले भनेको छ, ‘मार्च २२ को बिहानै राष्ट्रपति सीको रुस भ्रमण समाप्त भएको छ । उहाँ स्वदेश फर्किसक्नु भएको छ ।’
तीनदिने भ्रमण सकेर सी स्वदेश फर्किएका हुन् । रुस भ्रमणका क्रममा चिनियाँ राष्ट्रपति सीले राखेको शान्ति योजनाको प्रस्ताव पुटिनले स्वीकार गरेका छन् ।
चीनले शान्ति वार्तामार्फत् युक्रेन युद्ध रोक्न पुटिनसँग आग्रह गर्दा पुटिनले चिनियाँ योजनाले युद्ध रोक्नसक्ने बताएका छन् ।
दुवै राष्ट्रले यतिबेला युक्रेन संकट समाधानको लागि ‘जिम्मेवार वार्ता’को आह्वान गरेका छन् । आफू युद्ध अन्त्य गर्ने चिनियाँ योजना मान्न तयार भए पनि युक्रेन र पश्चिमा राष्ट्र शान्तिको लागि तयार नभएको पुटिनको भनाइ छ ।
उता चीनका राष्ट्रपति सी चिनफिङले चीन–रुस सम्बन्ध नयाँ युग मा प्रवेश गरेको बताएका छन् । रुसी समकक्षी भ्लादिमिर पुटिनसँग विभिन्न सम्झौतामा आफूहरूले हस्ताक्षर गरेको र त्यसले दुई देशबीचको सम्बन्धलाई सहकार्यको ‘नयाँ युग’ मा पुर्याउने सीको भनाइ छ । सीएनएन
राष्ट्रियडेली प्रदेश १ का सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।