खोटाङ्ग । खोटाङ्ग जिल्लाको बराहपोखरी गाउँपालिकाको १ पर्यटकिय स्थल बराहपोखरी ताल क्षेत्रमा फोहोर व्यावस्थापन, पदमार्ग निमार्ण सम्पन्न गरिएको छ । गाउँपालिका वडा नम्बर १ मा रहेको बराहपोखरी महादेवको मन्दिरको दूई स्थानमा विजुवा विजुनी मन्दिर र बराहपोखरी ताल क्षेत्रमा ४ घर निमार्ण गरिएको हो ।
नेपाल पर्यटन वोर्ड र बराहपोखरी गाउँपालिकाको संयुक्त साझेदारीमा पर्यटकीय स्थानमा पदमार्ग र फोहोर व्यावस्थापन प्रणालीका घर निमार्ण गरिएको गाउँपालिका अध्यक्ष सालिकराम बन्जराले बताए ।
बराहपोखरी ताल क्षेत्रमा पदमार्ग र फोहोरमैला व्यावस्थापन प्रणाली घर निर्माण भएसँगै ती क्षेत्रमा हुर्ने फोहोरहरुलाई व्यावस्थापन गर्न र बराहपोखरी ताल क्षेत्रमा घुम्न जाने पर्यटकलाई सहज हुने अध्यक्ष शालिकराम बन्जराले बताए ।
बराहपोखरी ताल क्षेत्रमा पदमार्ग र फोहोर व्यावस्थापन घरहरुको निमार्ण लागत २० लाख छ । जसमध्ये गाउँपालिकाको १० लाख लगानी रहेको छ । स्थानिय बासिन्दाको २ लाख २८ हजार ६ सय १७ रुपैँया जनश्रमदान छ । गत माघ १९ गते देखी निमार्ण सुरु भएर चैत्र ७ गते भित्र निर्माण भइसकेको छ । निमार्ण सम्पन्न भइसकेकाले बहाहपोखरी ताल क्षेत्रमा पदमार्ग फोहोर व्यावस्थापन कार्य सुरु भइसकेको उपभोक्ता समितिका सचिव पुस्विन खत्रीले बताएका छन् । सो बराहपोखरी ताल क्षेत्रमा पदमार्ग र फोहोर व्यावस्थापन प्रणाली निमार्ण परियोजनाबाट मासिक २५ हजार जना पर्यटन लाभान्वित हुने स्थान पहिचान गरी छनौट गरिएको उनको भनाई छ ।
बराहपोखरी तालको वरिपरि पर्यटक हिड्न सहज भएको छ र पदमार्गमा फोहोरमैला व्यावस्थापन प्रणाली निमार्ण घरभित्र तीनवटा च्याम्बर ल्बकमा सिसाजन्य पदाथर्, कागजजन्य पदार्थ र प्लाष्टिकजन्य पदार्थ छुट्याउने व्यावस्था छ । हरेक च्याम्बर फोहोरले भरिसकेपछि पछाडी व्याक साइडमा रहेको ढोकाबाट निकाल्न सकिने व्यावस्था गरिएको छ । ती च्याम्बरमा संकलन भएको फोहोरलाई हप्तामा एक पटक गाउँपालिकाले खनेको अस्थायी फोहोरमैला संकलन केन्द्रमा स्थानीय बासीले लगेर व्यावस्थापन गर्ने गरेका छन् । बराहपोखरी ताल क्षेत्रमा पदमार्ग निमार्ण गरे सँगै पर्यटकलाई बराहपोखरी तालको अवलोकन गर्नका लागी सहज भए सँगै फोहोर व्यावस्थापन प्रणाली निमार्ण व्यावस्थापनको समस्यालाई धेरै हदसम्म समाधान दिएको निमार्ण कार्यका अनुगमन समिति तथा बराहपोखरी वडा नंं. १ का सामाजिक अभियन्ता महेन्द्र बिष्टले बताए ।
ती ठाँउमा प्लाष्टिकका डस्बिन वाँसको टोकरी माटोमा बनेको खाल्टा खनेर बनाएर फोहोर संकलन गर्दा दिगो हुन सकेन । राखिएका डस्बिनहरु फुटाइदिने फ्याकिदिने जस्ता कार्य भइरयो । डोका बराह मन्दिरको ठाउँ ठाउँमा राखिदिदाँ पनि समस्या समाधान हुन सकेन । तर बराहपोखरी ताल क्षेत्रमा पदमार्ग निर्माण गर्दा पर्यटन लाई ताल क्षेत्रमा घुम्न सहज भएको र बराहपोखरी ताल क्षेत्रमा भएको फोहोरको व्यावस्थापन गर्न सहज भएको अर्को भनाइ छ । जिविको पार्जन पुर्नस्थापनाका लागी दिगो पर्यटन परियोजना ( एसटिएल आरपी) मार्फत निर्माण भएको बराहपोखरी ताल क्षेत्रमा पदमार्ग फोहोर व्यावस्थापनको हिसावले उपयुक्त रहेको गाउँपालिका इन्जिनियर रोमन रेग्मीले बताए ।
यसमा जनचेतना आवस्यक रहेको अर्को भनाइृ छ । आफुले गरेको फोहोर प्रणाली फोहोर व्यावस्थापन केन्द्रमा छुट्याएर राख्नुपर्छ भन्ने जनचेतना यहाँ आउने पर्यटकहरुमा भयो भने धेरै सहज हुने उनले बताए ।
तीन च्याम्बरमा एक पटकमा कम्तिमा ८ सय केजी फोहोर अट्ने क्षमता रहेको छ । तत्कालको लागी ती फोहोरहरुलाई गाउँपालिकाले अस्थायी रुपमा बनाएको फोहोरमैला संकलनमा व्यावस्थापन गर्नेछ ।
स्थायी फोहोरमैला व्यावस्थापन केन्द्रका लागी र बराहपोखरी ताल क्षेत्रमा पदमार्ग निर्माण भइ सकेता पनी अझै प्राविधिक अध्ययन गर्ने तयारीमा रहेको इन्जिनिएर रेग्मीले बताए । संयुक्त राष्ट्रसंघीय विकास कार्यक्रम ( यूएनडिपी) को सहकार्यमा नेपाल पर्यटन वोर्डले परियोजना सञ्चालन गरेको हो ।
Post Views: 0