विराटनगर । विराटनगर ८ मा अवस्थित ग्रेडेड बोर्डिङ स्कुलले एक दिने विज्ञान, चित्रकला तथा साँस्कृतिक प्रर्दशनी आयोजना गरेको छ । स्कुलले आज स्कुल परिसरभित्र एक कार्यक्रमको आयोजना गरि विज्ञान, चित्रकला र साँस्कृतिक प्रदर्शनी गरेको हो ।
अतिरिक्त क्रियाकलाप अन्तर्गत विद्यार्थीहरुले एक बर्ष भरी सिकेका कुराहरुलाइ तथा विद्यार्थीहरूमा भएको प्रतिभा उजागर गर्ने उद्देश्यले विज्ञान, चित्रकला तथा साँस्कृतिक प्रर्दशनीमा प्रदर्शन गरिएको प्रिन्सिपल प्रेमसिंह सुवालले बताए । साथै विद्यालयले आयोजना गरेको विज्ञान, चित्रकला र साँस्कृतिक प्रदर्शनीले पढाइ संगसंगै आफुले सिकेका सिपहरुलाइ प्रदर्शन गरि क्षमता अभिवृध्दिमा सहयोग पुगेको विद्यार्थी प्रसान्द कुमार कामतले बताए ।
कक्षा ६ देखि १० कक्षासम्मका विद्यार्थीहरूले सिकेर बनाएका विज्ञान र चित्रकलाहरु प्रर्दशनीमा राखेका थिए । विद्यार्थीहरूले स्मार्ट सिटी, वाटर फाउन्डेसन, विभिन्न प्रकारका तस्विरहरु, सोलरबत्ती लगायतका एक दर्जन बढी बस्तुहरू प्रर्दशनीमा राखेका थिए ।
सोही अवसरमा स्कुलमा अध्ययनरत विद्यार्थीहरूले विभिन्न साँस्कृतिक नृत्य र गायन प्रस्तुत गरी अभिभावक र आगन्तुकहरुलाइ मनोरजंन प्रदान गरेका थिए ।
प्रिन्सिपल प्रेमसिंह सुवालको सभापतित्वमा सम्पन्न भएको कार्यक्रममा शिक्षा समन्य इकाइ मोरङका उपसचिब शिवप्रसाद घिमिरे प्रमुख अतिथिका रुपमा रहेका थिए । त्यस्तै अभिभावक संघका अध्यक्ष खगेन्द्र भट्टराइ , पत्रकार साहित्यकार मिनकुमार श्रेष्ठ, विराटनगरका वडाअध्यक्षहरु मधुवावु तिवारी र राम पोखरेल लगायतको उपस्थिती रहेको थियो ।
Post Views: 0