विराटनगर । मोर्डन एरा लिटल च्याम्सको पहिलो छनोट चरणको शृङखला आज सम्पन्न भएको छ । विराटनगर ३ मा अवस्थित मोर्डन एरा विद्यालयले विद्यार्थीहरुको अन्तरनिहित प्रतिभा प्रस्फुटन गर्नका लागी मोर्डन एरा लिटल च्याम्सको आयोजना गरेको थियो ।
मोर्डन एरा लिटल च्याम्सको पहिलो शृङखलामा मोर्डन एरा विद्यालयमा अध्ययनरत ५४३ जना विद्यार्थीहरुको सहभागिता रहेको थियो । आजको पहिलो शृङखलामा २०२ विद्यार्थीहरु छनोट भएका थिए । विद्यालयले गायन,नृत्य र मोडलिङ गरि ३ विद्यामा विद्यार्थीहरुलाइ प्रतिष्पर्धा गराएको थियो ।
कार्यक्रम पहिलो, दोस्रो, तेस्रो र फाइनर गरि चार चरणमा सम्पन्न हुने भएको छ । तेस्रो चरणमा सहभागि विद्यार्थीहरु मध्ये ३० जना छनोट गरि फाइनल राउण्डमा पहिलो, दोस्रो र तेस्रो विजेतालाइ ट्रफि,गिफ्ट हेम्पर र छात्रावृतिद्वारा पुरस्कृत गरिने विद्यालयले जनाएको छ । फाइनल चरण माघ ६ र ७ गते भव्य कार्यक्रमका गरि सम्पन्न गरिने भएको छ ।
विद्यार्थीहरुलाइ विभिन्न क्षेत्रमा अग्रसर गराउन साथै उनिहरुका प्रतिभा प्रस्फुटन गराउनका लागि मोर्डन एराले यस्ताखाले कार्यक्रमको आयोजना गर्दै आइरहेको प्रिन्सिपल इन्द्र राइले बताए । मोर्डन एरा लिटल च्याम्सले मोर्डन एरा विद्यालयका विद्यार्थीहरुलाइ हरेक क्षेत्रमा अव्बल रहन सहयोग गर्ने समेत उनले बताए । त्यसैगरि मोर्डन एरा विद्यालयका यस्ताखाले कार्यक्रमले विद्यालयले हरेक क्षेत्रमा अव्बल रहेको कुरा प्रष्ट पारेको विराटनगर प्याब्सनका अध्यक्ष मोहन बुढाथोकिले बताए ।
गोविन्द निरौलाको सभापतित्वमा आयोजना गरिएको कार्यक्रममा विराटनगर प्याब्सनका अध्यक्ष मोहन बुढाथोकी प्रमुख अतिथिका रुपमा रहेका थिए साथै नेपालका चर्चित नायक रमित ढुङगाना विशिष्ट अतिथिका रुपमा रहेका थिए । त्यसैगरि इडेन स्कुलका प्रिन्सिपल तारा श्रेष्ठ , डाँन बोर्डिङ स्कुलका प्रिन्सिपल हिरा थापा लगायतको सहभागिता रहेको थियो । मोर्डन एरा लिटल च्याम्सको पहिलो शृङखलामा गायन तर्फ दिपेन थापा, नृत्य तर्फ सरोज कामत ,सन्तोष राजवंशी , मोडलिङ तर्फ इनुश्री राइ र अम्बिका श्रेष्ठ निर्यायक मण्डलिमा रहेका थिए ।
Post Views: 10