विराटनगर । विराटनगरको नोबेल हस्पिटलमा दुर्घटना सम्बन्धि मुद्दा हेर्दै आएका प्रहरीहरुले नै बिचौलियाको धन्दा गरिरहेको पार्इएको छ । दुर्घटना भएर विभिन्न ठाउँबाट नोबेलमा उपचार गर्न आउने विरामीका आफन्तहरुले आफुले मन लागेको ठाउँमा औषधी किन्न नपाएको गुनासो गर्दै आएका छन् । जनताका लागी सेवा गर्न खटिएका प्रहरीहरुले आफ्नै सेवा मात्र हेर्ने गरेका छन । औषधि पसलहरु संगको मिलेमतोमा उपचार गर्न आउने विरामीलाइ महंगोमा औषधि किनाउदै आएका छन् ।

नोबेलमा कार्यरत प्रहरीहरुले कोही दुर्घटना भएर आए आँफैले औषधी ल्याइदिने गरेका छन् तर औषधीको बिल भने महंगो हुन्छ । बाहिरका केहि फार्मेसी संग सेटिंंङ गरी विरामीका लागी तुरुन्त आफैले औषधी ल्याइदिने गरेका छन् । फार्मेसीसंग प्रहरीले हरेक महिना बिल रकमको केहि प्रतिशत कमिसन लिने गरेका छन् ।

केही दिन अघि श्रीमानको दुर्घटना भएर नोबेल हस्पिटल पुगेकी सिता आचार्य भन्छिन्– ‘हस्पिटल पुर्याउन नपाउँदै प्रहरीहरुले औषधी मगाइदिए , मैले आफन्तको फार्मेसीबाट औषधि किनेर ल्याँए , पछी दुर्घटनाको मुद्दा मिलाउन ढिला गरिदिए’ ।

हस्पिटलमा प्रहरीहरुले फार्मेसीबाट आँफैले औषधि मगाइदिए, उपचार सकेर घर पुगेर बिल हेर्दा अत्याधिक महँगोमा बिल काटिएको रहेछ, मोटरसाइकल दुर्घटना भएका दाइलाइ उपचार गराउन नोबेल आएका कृष्ण भण्डारीले राष्ट्रिय डेलीलाइ बताए ।

नोबेल हस्पिटल बाहिरका एक औषधि व्यावसायीका अनुसार , प्रहरी र फार्मेसीको मिलेमतोमा प्रहरीहरुले औषधि सेटिंंङ गरेका फार्मेसिमा मात्र किन्न पठाउने गरेका छन् ।

नोबेल मेडिकल कलेजमा दुर्घटना सम्बन्धि मुद्दा प्रहरी हवल्दार ओमप्रकाश चौधरी र जवान भोजराज खड्काले हेर्दै आइरहेका छन् ।