विराटनगर । विराटनगरको लाइफगार्ड हस्पिटलमा मृतकका आफन्तहरुले तोडफोड गरेका छन् । हस्पिटल प्रसाशनको गल्तिका कारण मृत्यु भएको भन्दै मृतकका आफन्तहरुले सामान्य तोडफोडका साथै टायर बालेर प्रदर्शन गरिरहेका छन् । अहिले अस्पताल परिसरमा सशस्त्र प्रहरी र नेपाल प्रहरीले सुरक्षा दिइरहेका छन् ।

आन्दोलित आफन्तहरुले डाक्टरको लापरवाहिका कारण सामान्य चोट लागेर ल्याईएका आफन्तको मृत्यृ भएको बताएका छन्। उता लाईफ गार्ड हस्पिटल प्रसाशनले भने यसमा आपत्ति जनाएको छ । लाईफ गार्ड हस्पिटल प्रसाशनले अत्याधिक मादक पदार्थ सेवनका कारण अचानक बेहोश हुँदा मृत्यृ भएको बताएको छ । उपचारका खटिएका डाक्टरका अनुसार– ‘ बिरामीको अनुहार र नङमा मात्र सामान्य चोट रहेको भएपनि मादक पदार्थ सेवन गरेको बेला मानिस अर्धचेतन अवस्थामा पुग्दछ ,जसले गर्दा अल्कोहक फोक्सोमा पुगेमा मानिसको मृत्य हुन सक्दछ ।’

बर्जु गाँउपालिका वडा नम्बर १ का २२ वर्षिय धनी उरावलाइ हिजो राती अस्पताल भर्ना गरिएको थियो । उरावको उपचारको क्रममा मृत्यु भएपछी आफन्तहरु प्रर्दशनमा उत्रिएका हुन् । यता लाइफगार्ड प्रसाशनले भने मृतकलाई हस्पिटलमा राख्न नमिल्ने हुँदा आमाको मन्जुरीमा निजलाई पोष्टमार्टको लागि पठाएको भएपनि आफन्तहरुले हचुवाको भरका प्रर्दशनमा आएका  बताएको छ ।