विराटनगर, ११ चैत । भानु कलेजकी निष्ठा बस्नेत मिस विराटनगर र मिस पर्सनालिटी २०२१ की विजेता भएकी छन् । यस्तै मिस्टर विराटनगरको सेकेन्ड रनअरअप र मिस्टरवाक सुजन राजवाहक भएका छन् ।भानु कलेजकै प्रेक्षा कटवाल मिस फिजिक २०२१ र रमण शाह मिस्टर फिजिक २०२१ भएका छन् । उनिहरूलाई कलेजले बुधबार एक कार्यक्रमको आयोजना गरी सम्मान गरेको छ ।विद्यार्थीहरूको व्यक्तित्व विकास र सर्वाङ्गिण विकासका लागि कलेजले विभिन्न गतिबिधि संचालन गर्दै आएको एसिए कोअर्डिनेटर देवेश प्रधानले बताए । उनले भने, ‘पढाई मात्र नभएर विद्यार्थीहरूलाई सामाजिक, सांकृतिक साथै व्यक्तित्व विकासमा सहयोग पुर्याउनको लागि विभिन्न कार्यक्रममा सहभागी गराउने गरीएको छ ।’आगामि दिनमा देशभरका विभिन्न कार्यक्रममा विद्यार्थीहरूलाई सहभागी गराउन कलेज तत्पर रहेको प्रिन्सिपल मोहन श्रेष्ठले बताए । अहिलेका विजेता विद्यार्थीहरूलाई प्रदेश र राष्ट्रिय स्तरका कार्यक्रममा सहभागी गराउने उनले बताए ।विजेता विद्यार्थीहरूलाई कार्यक्रमका प्रमुख अतिथि कवि तथा पत्रकार मीनकुमार नवोदित र कलेजका संस्थापक महेन्द्र सिटौलाले ५-५ हजार नगद सहित प्रमाण–पत्र दिएर सम्मान गरेका थिए ।