विराटनगर । विराटनगरस्थित कान्तिपुर सेकेन्डरी स्कुलले ‘स्पाेर्ट्स मिट-२०८०’ का उत्कृष्ट विद्यार्थीहरूलाई सम्मान तथा पुरस्कार वितरण गरेको छ । स्कुलले बिहीबार एक कार्यक्रम आयोजना गरी उत्कृष्ट विद्यार्थीहरूलाई सम्मान तथा पुरस्कार वितरण गरेको हो ।
विद्यार्थीहरूलाई भ्वाइस प्रिन्सिपल देवीलाल महतो तथा शिक्षिकाहरूले प्रमाणपत्र वितरण गरी सम्मान गरेका थिए ।
स्पोर्ट्स मिटमा कक्षा प्ले ग्रुपदेखि कक्षा १० सम्मका पहिलो, दोस्रो र तेस्रो हुने करिब २०० जना विद्यार्थीहरूलाई सम्मान गरिएको थियो ।
‘कान्तिपुर स्पोर्ट्स मिट-२०८०’ मा क्रिकेट, फुटबल, म्याराथन, मेमोरी टेष्टलगायतका खेलहरू समावेश गरिएको थियो ।
कान्तिपुर स्कुलले विद्यार्थीहरूलाई हप्ताको हरेक शुक्रबार अतिरिक्त क्रियाकलाप गराउँदै आएको छ ।
त्यसैगरी स्कुलले नियमित कक्षामा आउने, अनुशासित विद्यार्थीहरूलाई समेत सम्मान गरेको थियो । स्कुलले विद्यार्थीहरूको क्षमता विकासका लागि अतिरिक्त क्रियाकलापहरूमा विशेष जोड दिँदै आइरहेको भ्वाइस प्रिन्सिपल महतोले बताए ।
Post Views: 49